BE.325 Logu no.58
BODARI ON

Ayat 1
Bodari on Na dungo do au on Sai naeng pujionki Ho, Debatangku
Sai pargogoi Ma au, lao mangoloi Ho sian nasa ringgas ni rohangku.

Ayat 2
Sonangna i Mamingkir basaMi Pahohom rohangki di adopanMu
Pabali ma O Tuhan Debata Sude na tau manggaori pingkiranku.

Ayat 3
O Jesuski Hupuji goarMi Dibaen tinoguMi au tu lambungMu
Aut na tongtong Burju ma rohangkon Pasauthon hataMi ale Tuhanku

Ayat 4
Parbasa i Lambas do rohaMi Manesa dosangki tinopotanku
Sai diapoi Huhut dipargogoi Ho rohangkon muse di tangiangku

Ayat 5
Ho ma tongtong Nampuna rohangkon Sai taiti ma au on pahot langkangku
Andigan pe Badia au muse Nang sun denggan dope Ho pujionku ?

Ayat 6
Alai basaM Nang asi ni rohaM Dibaen na pinungkaM tangkas marujung
Pos rohangki Sai patoguonMi Do au, ai goarMi tongtong hujujung.

Ayat 7
Ho artangki Na pinarsinta ni Rohangku na las i dibaen holongMu
Pagalak ma Di au, o Debata Gurasa i Ho naeng haholonganku

Ayat 8
Ojahanki Di na humordit i Sude di tano i Ho, o Tuhanku
Nang songgop pe Na hansit i muse Ho ma halungunhonon ni rohangku

Ayat 9
Lam ganda ma Di Ho, o Debata Hamuliaon dohot hasangapon
Di orbuk on Muse ma di joloM Dung binongotanku banuaginjang.
